Bütün dünya onları həmişə
bir-birinə sevgi dolu baxışlarla baxan və gülümsəyən cütlük kimi tanıyır.
İlk baxışda çoxlarına elə gəlir ki, onların heç bir problemi olmayıb. Əslində
isə … Əslində onlar həyatın çətin sınaqlarından keçiblər, arada ayrılıq da olub,
kasıblıq da, söz-söhbət də. ABŞ-ın birinci xanımı Mişel Obamanın simasında bir
qadının həyat yoldaşına göstərdiyi dəstək, eləcə də həmişə simasındakı
təbəssüm bu ailənin xoşbəxtliyinin ən böyük açarı hesab edilə bilər.
1989-cu il. Çikaqo şəhəri “Sidley
Austin” adlı hüquq kontor firmasında işləyən . Gənc Mişel LaVon Robinsona
rəhbərlik yeni iş tapşırır; o, təcrübə keçmək üçün qəbul edilmiş Harvard
Universitetindən 28 yaşlı məzunu, hüquqşunas, eləcə də Harvard Universitetinin
hüquq fakültəsinin dinləyicisi Barak Obamaya nəzarət etməli, onunla məşğul
olmalı idi.Elə ilk andan Mişeldən xoşu gələn Obama Mişelə diqqət göstərməyə
başlayır. Lakin bütün cəhdlər boşa çıxır, gənc oğlan bir neçə ay rədd cavabı
alır. Mişellə görüşə nail olmaq üçün güllər, notlar və konfetlərlə öz
sevgisini bildirir....
“Mən
onu öpdüm və …”
Sonralar
isə Mişel Obama etiraf edəcəkdi ki, 28 yaşlı gəncin baxışları onu
ovsunlamışdı. İlk görüşdə cütlük Spayk Linin rejissorluğu ilə çəkilmiş
“Necə lazımdır elə et” filmini izləmişdilər.
Bu, ifadə cütlüyün həmin vaxt
görüşdüyü Çikaqo kafesinin əməkdaşlarının o qədər xoşuna gəlmişdi ki, həmin
kafedə Barak Obamanın “ Mən onu öpdüm və şokolad dadını hiss etdim.”
Sözlərini əks etdirən xatirə lövhəsi vurulub.
Qapıda
duran kasıblıq, ailəsini təmin edə bilməyən Obama, ayrılmağa hazır Mişel
1992-ci
il oktyabrın 3-ü Mişel və Barak ailə həyatı qurdular. Qarşıda isə onları
enişli-yoxuşlu həyat gözləyirdi. Altı ildən sonra Obama ailəsində ilk
övladın--Maliyanın dünyaya gəlişi onların sevincini daha da artırır. Lakin ailədəki
böhran gənc ailəni çətin duruma salır. Ciddi ailədə böyüyüb-boya başa
çatan Mişel səliqə-sahmana, təmizliyə
öyrənmişdi. Həyat yoldaşı isə corabları hara gəldi, atır, hər
yanda siqaret çəkir, hətta xalçanı, süfrəni də yandırırdı.
Gələcək prezidentin, ərinin geyim tərzi onun xoşuna gəlmirdi,
əksinə İllions ştatının senatoru kimi şəxsi imicmeykeri olmadığınıa görə
adi işçi kimi geyinirdi. Mişelin ciddi cəhdlərinə cavab kimi Barak Obama: “ Nəyə
görə dünyanı dəyişdirməyə çalışdığım məqamda bu cür axmaq fikirlərlə mənim
üzümə durursan?”—deməklə etirazını bildirmişdi. Beləliklə, Mişelin senator ərizin
xarici görünüş baxımından daha diplomatik geyimdə görmək arzusu alınmamışdı.
Zaman keçdikcə, ailənin maddi
problemləri başlayır. Mişel analıq məzuniyyətə çıxanda məlum olur ki, Obamanın
gəliri ailəni dolandırmağa kifayət etmir. Odur ki, həyat yoldaşı ərini
ictimai-siyasi fəaliyyətdən kənarlaşıb hüquq sistemində çalışmaq üçün dilə
tutur. Sonralar həmin çətin illər barədə yazacaqdı: “ Biz kilsə siçovulları
kimi çox kasıb idik.” Obamanın hüquq sahəsində çalışması ailənin maddi durumunu
yaxşılaşdıra bilərdi. Ancaq o, enişli-yoxuşlu
bir yolu—siyasi
karyerasını seçir.
Obama həyat yoldaşını necə məsləhətçi seçir?
2001-ci
ildə ailədə ikinci qız övladı Saşa dünyaya gəlir. Vəziyyət daha da gərginləşir.
Mişel ailəsini dolandıra bilməyən Obamadan ayrılmağa hazır idi.
Hətta boşanma məsəsləsi gündəmdə idi. Lakin 3aylıq Saşanın
virusa yoluxması və 3 sutka ölümcül vəziyyətdə xəstəxanada yatması vəziyyəti
dəyişir. Cütlük bir müddət umu-küsünü unudur. Çətinliklərdən sonra Barak
Obamanın verdiyi ən böyük qərar xanımı Mişeli siyasi karyerasına daxil
etməsi olur. Belə ki, Obama ən həssas məsələlərdə məsləhətləri bundan sonra
Mişel Obama dan alacaqdı. Əvvəllər Mişel ərinin siyasi karyerasına o
qədər əhəmiyyət vermirdisə, bundan sonra yəqin etdi ki, siyasi karyera Obama
üçün olduqca önəmlidir.
Çətin günlər
Obama üçün də bir dərs olur. O ailənin nə qədər önəmli olduğunu bir daha yəqin
edir. Barak Obamanın ABŞ Prezidentliyinə seçkilərdə qalib gəlməsindən 3 gün
sonra siyasi fəaliyyətdən uzaqlaşır. Səbəb isə sadə idi; o, bir qızının
futbol matçına, digərinin isə rəqs konsertinə qatılır. Ağ Evin
təmsilçiləri isə bu hadisəni jurnalistlərə bu cür izah etdirlər: “Prezident bu
cür tədbirlərdə iştirak etməyə borcludur”
Seçkiöncəsi
görüşlərdən tez çıxan Barak restoranda...
Əslində, Barak Obamanın siyasi
karyerasının zirvəsinə çatmasında və ondan sonra da Mişel Obama ona hər
sahədə dəstək olur. Bu sevgi təbii ki, qarşılıqlı idi. Hətta onun partiya
yoldaşları prezident seçkisiöncəsi gərgin hazırlıq görüşlərində ən gərgin və məsuliyyətli
vaxtda Obamanın tez görüşü tərk etməsinə təəccüb edirlər. Ancaq
səbəb sadə idi. Yenə də sevgi və ailə!
Obama seçki öncəsi gərgin görüşlərdən birindən qaçıb evlilik
ildönümləri münasibətilə restoranda masa sifariş edir. Halbuki həmin gün ABŞ
prezident seçkilərindən Obamanın rəqibi olan Con MakKeyninin həyat yoldaşı
Sindinin doğum günü idi. Sindi məyus olmasın deyə, valideynləri ona ərinin
adından açıqca və hədiyyə göndərmişdilər. Onu rəqibindən fərqləndirən də
Obamanın ailəsinə bağlı mənəvi və şəxsi keyfiyyətləri idi. Bəlkə də onun
həyatda uğur qazanmasının açarı da xanımı Mişelə olan sevgisidir.
“Hər bir uğur qazanan kişinin arxasında bir qadın dayanır”—deyimini ABŞ-ın birinci xanımı Mişel Obamaya aid etmək olar. Təsadüfi deyil ki, 2010-cu ildə “Forbes” jurnalı onu dünyanın ən nüfuzlu qadını adına layiq görmüşdü.
ABŞ cəmiyyəti
Mişel-Barak Obama cütlüyünü xoşbəxt
bir ailə kimi görür və qəbul edir. Bu iki insanın həyatın bütün
sınaqlarına baxmayaraq, istənilən məqamda bir-birlərinə sevgi ilə baxıb
gülümsəməsi tək sadə amerikalılarda deyil, əksər insanlarda istər-istəməz xoş
duyğular oyadır. Böyük kütlə qarşısında sevinc və həyəcanından Barak
Obama ilə qucaqlaşıb öz sevinc duyğularını bölüşməsi heç də az olmayıb.
Əlbəttə ki, diplomatik etiketdən bəzən qırağa çıxan bu anlar bu sevgidən
və səmimiyyətdən irəli gəlir və sadə insanlar tərəfindən normal qəbul edilir.
Sevginin
gücü də bəlkə də elə budur: Gülümsəyin.
.
Hiç yorum yok:
Yorum Gönder