Qonaqlar hər zaman sizin toydan danışsın
Hər kəs toyunun özəl və yaddaqalan olmasını
arzulayır. Adətən toydan sonra cütlüklər qohumlardan, dost-tanışlardan “toy necə
keçdi?”, “ Toy xoşunuza gəldimi?”kimi
narahatlıqla soruşurlar. Bəs toyunuzun təkcə sizin deyil, qonaqların yaddaşında
da xoş iz qoyması üçün nələr etmisiniz? Bu sualı yəqin ki, aranızda az gənc
özünə verib. Odur ki, toyunuzun qonaqların yaddaşında ən unudulmaz gün kimi
yazılmasınə istəyirsizsə, aşağıdakı bəzi yaradıcı ideyaları nəzərdən keçirin.
Maraqlı ssenari
Müasir dövrdə standart toy mərasimindən çox gənclər
şikayət edirlər. Odur ki, bir çoxları öz toy mərasimində yeniliklər etməyə cəhd
edirlər. Bunlar arasında ssenarinin yazılması çox mühüm yer tutur. Gənclərin fikir və ideyalarını əks etdirən ssenarinin tərtibində
onlara dostları da yardım edə bilər. Və ya bu işi yaxşı bilən yaradıcı insanlar
da cütlüklərə dəstək ola bilər. Bir sıra milli toy adətlərimizi də yaşatmaq müasir toylara rəng qata bilər. Elə bəyin oğurlanması kimi. Dostları bəyi oğurlayır və əvəzində qonaqlardan "Yallı" oynamasını istəyirlər. Ta ki, bəy gəlib onlara qoşulana kimi.
Məkan seçimləri
Bu gün Avropada yaz və yay aylarında daha çox açıq havada toy keçirməyə üstünlük verirlər. Bu, dəb halını alıb. Sadə və şirniyyat masası ətrafında rəqslərin müşayiəti ilə keçən toy məclisi həmin günün qəhrəmanlarının ən xoş günü kimi yadda qalır. Məkan seçimi cütlüklərin arzu və fantaziyasından asılıdır. Bu, gəmi, yaşıllıq bir çəmən, dənizkənarı sakit bir məkan, ən çox arzuladığınız şəhər, Romeo və Cülyettanın vətəni Venesiya, Gürücstanda "Sevgi şəhəri" kimi tanınan və 24 saat Nikah idarəsinin hamıya, elcəə də əcnəbilərə açıq olduğu Siqnaxi, sevgi eləcə də dənizlə əhatə olunmuş bir ada və s. ola bilər. Seçim sizindir.
Dilək üçün guşə
Toya gələn qonaqların hər biri gənclərə xoş arzular
bəsləyir. Ən yaxın dostlar, qohumlar çıxış edərək təbrik edirlər. Lakin heç də
hər kəsin auditoriyada çıxış etmə qabiliyyəti olmur. Ya da çəkinir çıxış etməyə.
Odur ki, belə qonaqlar, xüsusilə də cütlüklərin dostları üçün ən ideal vasitə rəngli
qələmlərlə öz arzularını yazılı formada çatdırmaqdır. Bu işdə dilək guşələri köməyə çata bilər. Dilək
guşəsi yaratmaq o qədər də çətin deyil. Böyük
plakat üzərində təbriklərinizi yaza bilərsiniz. Və ya dilək guşəsinə qoyulmuş
foto albomun (dilək dəftərinin) bir hissəsinə qonaqlar arzularını yaza bilərlər. İllər
sonra, həmin albomu və ya dilək dəftərini
əlinizə alanda yaxınlarınızın xoş sözləri sizi nostalji duyğular aləminə
aparacaq. Dilək guşəsini salonun girişində təşkil edə bilərsiz. Toydan çıxanlar
öz arzularını yaza bilərlər.
Toya dəvət etdiyiniz qonaqların arzu və diləklərindən,
sürprizlərindən ibarət şən və duyğulu bir videoçarx hazırlamaq mümkündür. Həmin
videoçarxda sizi sevənlər toyunuza sürprizləri təqdim edəcək. Özü də ən gözlənilməz
tərzdə və məqamda. Təəccüblənəcək və xeyli xoş duyğular yaşayacaqsınız.
Video təbrik
çarxları
Hər kəs ən çox sevdiyi dostunun və qohumunun ən şad
günündə yanında olmasını istəyir. Bu da təbiidir. Ya həmin adam xaricdədirsə?
Ya da iştirak edə bilmirsə?! Təəssüflənməyin. O, öz ürək sözlərini bir videoya
çəkib internet vasitəsilə sizə göndərə bilər. Beləliklə, uzaqda olan insanlar
da toyunuza bu cür rəng qatacaq.
Rəqs yarışmaları
Toyun maraqlı olması və qonaqların darıxmaması üçün
rəqs yarışmaları keçirilə bilər. Bu, gənclər, uşaqlar, qohumlar arasında
keçirilsə, kiçikdən tutmuş böyüyə kimi hər kəsin ürəyincə olar.
Bəy və gəlin rəqsi
Özəlliklə toy üçün seçilmiş bəy və gəlin rəqsinin maraqlı
ifası toyun kulminasiya nöqtəsi ola bilər. Odur ki, rəqs musiqisini seçərkən,
zövqünüzü, bacarığınızı və yerli auditoriyanı, toyun keçiriləcək məkanını nəzərə
alın. Ancaq sizin toyunuza aid rəqs mahnısı istəyirsizsə, illər sonra “bu bizim
mahnımızdır”—demək arzusundasınızsa, o zaman bəstəkar və mahnı sözlərini yaza
bilən şair tapmalısınız. Məncə, bu işdə həvəskar və istedadlı gənc şairlər sizə
kömək olar.
Ideyalar çoxdur, bu sadəcə onların bir hissəsidir. Sizin 
Hiç yorum yok:
Yorum Gönder