QEYRİ-ADİ TOY ADƏTLƏRİ

                             

      Masada ördəklər, pulla gəlinlə rəqs, qadın paltarı geyinən ər...

Hər bir xalqın özünəməxsus toy adət-ənənələri var . Elə bu fərqlilik və özünəməxsusluq, mədəni müxtəliflik də  dünyanı rəngarəng edir. Bakuwedding bloqu onlardan bəziləri ilə  sizləri tanış edir.

Yaponiyada gəlin toy mərasimi boyu üç dəfə müxtəlif qiyafədə qonaqların qarşısına çıxır. Birinci dəfə, ağ, ikinci dəfə qırmızı kimanoda görünür. Üçüncü dəfə isə Avropa üslubunda müasir gəlinlikdə mərasimdə iştirak edir. Bu ölkədə toy hədiyyəsi  yarımdairəvi bükülmüş formada vermək adətdir.

Macarıstanda bütün kənd camaatı sona kimi toy mərasimində həvəslə itirake dirlər. Onlar əvvəlcə gəlinin evinə gəlir, onu ya bəyin evinə, ya da kilsəyə kimi yola salırlar.

   Bəy gəlinə içində pul olan sumka hədiyyə edir, gəlin isə əvəzində 3 və ya 7 burun dəsmalı hədiyyə edir. Macarlar üçün 3 və 7 rəqəmi uğurlu hesab edilir. Macar toyunda gəlin “pul rəqsi” ritualını həyata keçirir. Ayaqqabını otağın ortasına qoyur, bu o deməkdir ki. Kim onunla rəqs etmək arzusundadırsa, əvvəlcə ora pul salmalıdır.

Keniyada çox məzəli bir adət var. Belə ki, toydan sonrakı bir ay ərzində ər qadın paltarı geyinir. Məqsəd qadının ailədə vəzifəsinin və işinin necə ağır olmasını kişiyə göstərməkdir.

Koreyada toy mərasimində masada  ördəklər iştirak edirlər Çünki ördəklər həyatları boyu bir-birlərinə sadiq olurlar.

Norveçdə toy ziyafətinin sonunda gəlin bütün qonaqlara  pendir doğrayıb ikram edərdi. Onun əl qabiliyyətinə əsasən gənc qızın necə ev xanımı olacağı barədə fikir yürüdərdilər.

Nikabar adalarında gənc oğlan hansı qızla evlənmək istəyirsə, mütləq qızın evində onun “köləsi” olmalıdır. Bu, 6 aydan bir ilə qədər davam edə bilər. Həmin ərəfədə oğlanın özünü necə aparmasından asıı olaraq, ona ərə gedib-getməyəcəyi barədə qərarını qətiləşdirir.

Meksikada toyun təşkilatçıları bəy və gəlinin xaç valideynləri olurlar. Toy mərasiminin bütün xərci də onların üzərinədüşür.

Belçikada gəlin öz adını burun dəsmalına tikərək onu pzü ilə toy mərasiminə aparır, toydan sonra çərçivəyə salaraq evliliyi boyu yadigar saxlayır.

Vyetnamda da sevgililərin iki dəfə toyu olur, birincini bəyin valideynləri, ikincini isə gəlinin valideynləri təşkil edir.

Venesuelada gənc oğlan evlənməzdən əvvəl mütləq xaç atasından xeyir-dua almalıdır, Əks halda o xoşbəxt olmaya bilər.

İtaliyada kilsə qapıları ipək lentlərlə bağlanıbsa, bu o deməkdir ki, burada nişan və ya nigah mərasimi gözlənilir. Bu, qırılmazlıq, uzun və xoşbəxt davam edən evliliyə işarədir.

Almaniyada toy mərasimindən sonra gənclərin yolunu zeytun budağı ilə bəzəyirlər. İnanca görə zeytun budağı onlara zənginlik və xoşbəxtlik bəxş edəcək. Toy günü inanca görə, bəy və gəlinin ciblərinə buğda qoyması onlara xoşbəxtlik və bolluq gətirəcək.

Alman qızları gəlinlik seçərkən və tikdirərkən paltarın mütləq cibi olmalıdır. Cibə bir tikə çörək və duz qoyurlar ki, ailələri bolluq içində olsun.

Mərakeşdə gəlinin toydan əvvəl süd vannası qəbul etməsi adəti var. O eyni zamanda evə ilk dəfə olaraq daxil olarkən 3 dəfə onu dolanmalıdır.

Cənubi Afrika Respublikasında valideynlər öz evlərindəki atəşdən yeni evlənən övladlarının evlərinə gətirirlər. Burada yeni cütlüyün evinin ocağı yandırılır.

Çin də gəlin xoşbəxtlik və sevinc rəmzi olan qırmızı gəlinlik geyinir. 

Nə qədər qəribə olsa da, bu gün dünyada geniş yayılmış bir adət--qırmızı lentin bağlandığı bakalda şərab içilməsi adəti də Çindən digər ölkələrə yayılıb.

Hindistanda gəlinin qardaşı toy mərasimindən sonra gəncləri qızılgül ləçəklərinə qərq edir. İnanca görə, bununla mənfi ruhlar gənclərdən uzaq olur.  Adətə görə, gəlinin atası öz kürəkənini hörmətli qonaq kimi qarşılayır, qarşısında diz çökür.

Hollandiya da toy mərasiminin mərasimi xüsu zövqlə hazırlanır. Masada qoyulan konfet “gəlinin sevinci” , şərab isə “gəlinin göz yaşları” adlanır.

Avstriyada gəlin fatasını mərsin çiçəyi ilə bəzəyir, bu çiçək həyat simvolu hesab edilir.

Pakistanda toy günü qız ata evini başında Quranla tərk edir.

Norveçdə cütlüklər toy günü qapılarının hər iki tərəfinə yolka ağacı əkirlər.

Filippində oğlanla qızın birliyini göstərmək üçün çiyinlərini ipək şunurla bağlayırlar. Toy mərasimindən sonra səmaya sülh rəmzi olan göyərçinlər buraxılır.