Sevgiliniz
sizə gözləmədiyiniz anda sürpriz edir və deyir: “Əzizim, istəyirəm ki, dünyanın
ən romantik guşəsinə gedim sənlə” Çətin ki, romantik ab-havada sevdiyi insanla vaxt keçirməkdən imtina edən
xanım ola! Odur ki, bu gün qloballaşan
dünyada texnologiyaların inkişaf etdiyi,
hisslərin süniləşdiyi bir dövrdə insanların ülvi duyğulara, xoş münasibətə,
romantik hisslərin əhatəsində paklaşmasına ehtiyacı artır. Buna görə də, mütəmadi
olaraq, turistlərin diqqətini cəlb edən ən inkişaf etmiş şəhərlər həm də romantik şəhər adı uğrunda
bir-biriləri ilə rəqabətə girir. Paris, Buenos-Ayres, Venesiya...
Bu siyahıda sevgi və romantikanın paytaxtı Paris liderlik edir. Efel qülləsi, göz
oxşayan parkları, özünəməxsus şəhər arxitekturası sevgililərin hər zaman bura gəlməyə
sövq edir. Parisdə cütlüklərin diqqətini
cəlb edən ən gözəl məkanlar Efel qülləsi,
Mulen Ruj, Sevgi divarı, Erotika muzeyi və s. məkanlardır.
Romoe və Cülyetta sevgi dastanının yaşandığı əfsanəvi
Venesiya şəhərinə love story çəkdirmək,
toy etmək və ya bal ayı keçirmək üçün gələn cütlüklər şəhərin qədim
arxitekturasının əsirinə çevrilirlər. Şəhərin dar küçələrində , ən mənzərəli məkanlarında
gəzinti ömür boyu unudulmaz xatirəyə çevrilir. San Marko meydanında gəzinti,
Rialto körpüsündə dayanıb ətrafı seyr etmək və Qrand kanalına tullanmaq bu səfəri
daha yaddaqalan edə bilər.
Öz qədim tarixiliyini qoruyan Praqa şəhəri romantik ab-havasına görə sevgililərin sevimli şəhərlərindən
biridir. Karl körpüsü, qotik üslubda olan kilsələr,
kiçik evləri ilə bura gələnləri heyran edir. Axşam vaxtı Karl körpüsündə gəzinti
və fotosessiya unudulmaz anlar bəxş edir. Üstəlik inanca görə, Karl körpüsündə
arzu tutanda o gerçəyə çevrilir. Şəhərin ən romantik məkanı isə Petrşin xolm
hesab edilir.
Barselona ilin bütün fəsillərində mülayim havasına görə
seçilir. Odur ki, cütlüklər bu şəhərə romantik səyahət üçün daha çox üz
tuturlar. La Sagrasa Familia kilsəsi, la Rambla bulvarı, qədim park olan “Labirint
orta” ən gəzməli –görməli yerlərdəndir.
Qədim Vyana
tarixi körpüləri, dar küçələri və möhtəşəm Dunay çayına görə diqqəti cəlb edir.
Dünya şöhrətli bəstəkar Mosartın vətəni olan bu şəhərdə onun ev muzeyi fəaliyyət
göstərir. Vyanaya gələnlər mütləq bu evə baş çəkməli, həm də Dunay çayında gəzintinin
dadını çıxarmalıdır.
Nyu-York hay-küylü və qaynar şəhər olsa da, romantik şəhərlər
arasındadır. Mərkəzi park, Azadlıq Heykəli, Manxetten, Bruklin körpüsü bu şəhərin
ən məşhur məkanlarındandır. Tiffanidə kofe içməyin isə ayrı ləzzəti var.
Romantik şəhər sayılan Sankt-Peterburqdan yolu düşənlər Ermitaj muzeyinə baş çəkib, zəngin
əsərlərlə tanış ola bilər, Neva çayının sahilinə tamaşa edə bilərlər. Öpüş körpüsü şəhərin
ən məşhur yerlərindən sayılır. İnanca görə, bu körpüdə xüsusilə də körpünün
altında öpüşən cütlüklər uzun illər xoşbəxt ömür sürürlər.
Tarixi və qədim məkanları sevməyən cütlüklər üçün Sinqapur maraqlı seçim ola bilər.
Buradakı göydələnlər, isti hava və ekzotik bitkilər diqqəti cəlb edir. “Uçan
Sinqapur” halqası şəhərin görməli məkanıdır.
Buenos-Ayres Latın Amerika mədəiyyətini özündə yaşadan romantik şəhərdir. Məhz bu şəhərdə küçədə tanqo rəqsi
etmək, restoranlarda romantik yemək yemək səyahəti daha da yaddaqalan edir. “Kaminito”
açıq səma altında muzey şəhərin ən görməli məkanlarındandır.
Uzaq səfərləri
xoşlamayan cütlüklər isə Ukraynanın Lvov
şəhərinə yollana bilərlər.
Hiç yorum yok:
Yorum Gönder